قصه (حب فطامي )من شفتها قلبي هلك

السلام عليكم ورحمه الله وبركاته

قصه حب فطامي من شفتها قلبي هلك

من شفتهاا قلبي هلك ( قصة حب فطامي)


فطوم في الصف 3 ثنوي وتسكن في مدينة العين وهيه أكبر أخوانها وعندها أختين و2 أخوان .. البنات سلامة في الصف 2 ابتدائي وشمة في الصف 6 ابتدائي وأخوانها سيف 3 اعدادي ومنصور أخر واحد وعمرة 4 سنين ...


فطوم في المدرسة (( في الفرصة )) يالسة ويا ربيعاتها وكله ضحك ونكت عااااااااااد فطوم يوم تضحك شو بسكتها وربيعتها اسوم تقولها فطوم عااااد بسج البنات كله يطالعونا وإنت عاااد وااااااايد إمصختنها شو سالفتج الضحكة طاره ويهج ويا هالغمازة . ...... فطوم شووو اسوم تغارين من غمازتيه وبعدين ؟؟؟؟ اليوم الاربعاء يعني بسير بوظبي عند كم خالي ... اسووووم : أهاااااااااا وأقول أنا شو السالفه ... بس حبيبتي وراج الحين رياضيات والحصة الأخيرة فيزياء يعني الله يعينا عليج بطلعين إصيحين بتقولين مافهمت ؟؟؟؟؟
فطوم : لااااا حبيبتي الرياضيات بنمشي حالنا في الحصة ومس الفيزياء غااااااايبة يعني فكه من شيفتها فهمتي الحين ليش فرحااااااانه ...
موزة : وأنا أقوووووووووول فطوم اليوم كله تقولي أنسير أنطالع مس الفيزياء عثرج طلعتي مب هينه ..... ويدددددددددددددددق الجرس
فطووووم : قومن بسرعة ورايه رياضيات والمس أتي تربع مافيني تنقصنا درجات وتهزبنا ....
وسارن بسررررررررررررعه الحصة ...
ويدق الجرس ويت الحصة الأخيرة وصف كم فطوم محد عندهم وعااااااااد فطوم فرحانه ...وطلعن يحوووووطن برع الصف وسارن عند اسوم ولقن عليها تاريخ : قالت الله يعينهم والله لوووووووعه تاريخ الحصة الأخيرة ....وسارن يشترن ماي هيه وربيعاتها وشافت فطوم الإخصائية من بعيد فطوم الاخصائية بسرعه انفل ؟؟؟؟؟؟؟؟؟ وسارن الصف يسولفن ودق الجرس .... فطوم تحطي أغراضها في الشنطة
أسوم يلاااا فطوم شو اسوين هل الكثر ... فطوم يلا الحين بلبس عباتي .....
وطلعن برع المدرسة وكل وحدة ركبت سيارتها ......


في بيت كم فطوم سارت فطوم حجرتها تتلبس وتصلي ونزلت الصاله وشافت أمها وسلمت عليها هااااا أمايه أبويه مايا من بوظبي .. امها : لا والله مايا بي يوم الجمعة ..... فطوم : الله ونااااااسه ....؟؟؟؟؟؟ أمها : عن الله تج يا الهرمة عيب هذا ابوج استحي على ويهج ... فطوم : فديته والله أبويه ... أمايا لا تفهميني غلط بس عشان أريد أسير صوب كم خالي وأريد أشوووووف الريم فديتها اشتقتلها ؟؟؟؟
تعالي فطوم انت منو بوديج بوظبي ؟؟؟ لييييييييييييييش امايا انت ما بتروحين بوظبي ؟؟؟؟؟
لا حبيبتي عندي عرس يوم الخميس عرس يرانا
فطوم : لا لا لا لااااااااااا أماي ادخيلج سيري بوظبي عند أبويه شو تبين العرس ....
لا فديتج فضحه بالعرب أبوج بي يوم الجمعة بيلس عندنا أسبوع . ويقطع كلامها التلفون ... وتربع فطوم صوب التلفون .... الووووووو ..مرحبااااا .... هلا والله بهصوت ؟؟؟؟
هلا والله بخالي فديته ...
سالم : لها والله براعية الصوت .. اشحالج
فطوم : تمام بس معصبة ؟؟؟؟
سالم :افااااااااا لييييييييش منو مزعل الحلوين ؟؟؟
فطوم : أبااااا اسير بوظبي ...
سالم : شو مشتاقه حق ابوج ؟؟؟؟
فطوم : هيه والله مشتاقه حق ابويه بس اريد اسير عند خالي خليفة والريم بعد مشتاقتلها واااااااااااااااااايد....
سالم : اهااااااا وانا اقوووووول ؟؟؟؟؟؟؟؟ انا عيل الحين بروح بوظبي ....
فطوم : الله أحلف ؟؟؟؟ دخيلك خالي ودني ويااااااك
سالم : وين تبين وياي انا ساير عندي شغل بيلس اسبوع ....
فطوم : ودني عند خالي خليفة وبرجع ويا ابويه يوم الجمعة
سالم : خلاص عيل قولي حق امج ؟؟؟؟
فطوم : لا امااااا اموافقه عاااااااادي بس انت متى بتروح ؟؟؟
سالم : الحين الساعة 4 العصر
فطوم : خلاص عيل اترياك اوكيه
سالم : اوكيه خلاص باي
تبند فطوم التلفون وتربع صووووووب أمها ...... امايا بروح بوظبي ويا خالي سالم ... باسم الله روعتيني سيري برايج بس منو برجعج .. فطوم لاعااااااادي برجع ويا ابويا يوم الجمعة خلاص عيل قولي حق ابوج .. فطوم : اوكيه بقوله ...
شمة : لا اااااااااااا والله حتى انا بروح وياج عند كم خالي .....
فطوم : وين تبين محد قدج هناك .....
شمه : عاااااااادي بيلس ويا الريم
فطوم : لا والله مانبي يهال ويانا .. يلسي ويا بنات عمي هنيه ابرك لج ...
شمة : صح والله ذكرتيني بسير الحديقة باجر ويا روضة بنت عمي وربيعاتنا يعني كنسلت ماابي ارووووح
فطوم: احسن فكه .... اقول اماياه تراني ببات عند كم خالي اوكيه ...... قوووولي حق ابوج مافيني على الصدعة .؟؟؟؟
فطوم خلص بسير ادق حق ابويه واخلي اغراضي مافيه وقت ...... وسارت فطوم فوق في حجرتها على أساس تخلي اغرضها وترمس ابوهاااااااااا .......

6 المغرب...
في بوظبي ... فطوم يالسة ويا الريم في الصالة يسولفن .. أقول فطوم ماكتبي خواطر ؟؟ فطوم : صح والله ذكرتيني كنت أباج تقرينهن بس نسيت الدفتر في العين مايبته .. خلاص يوم بتين العين براويج اللي كتبته اوكيه .. يدخل حمدان ( 3 إعدادي ) هااااااي كومان تاليفو .. الريم أهلين .... ايل سوبورت بيان .. ميرسي ..
فطوم : الناس يوم يدخلون يقولون السلام عليكم ... مب هاااااااااي ..
حمدان : اوووووووه نسينا هنية فطوم وأقول أنا لييييييييش بيتنا مظلم ...؟؟؟؟ فطوم : ههههههههههه قووول انه منور بيتكم ... الريم : انت شو تبا الحين منا ؟؟؟
حمدان : لا قلت بس بشوف من وين هذا النور ياي ...
فطوم : ههههههههههه ...
حمدان : أقووووول الريم عندي لج مفاجئة كم بدفعين ؟؟؟
الريم : شو المفاجئة؟؟؟؟؟ وبعدين بدفع لك اللي تبي ...
حمدان : امممممممممم أول بقول شو اريد ... اريد عصير .... ولااااااا جاااي ولا ...اقول احسن عصير .. ولااا ....
الريم : اوكيه يلا قول المفاجئة وفكنا .... حمدان : شو رايج إن يوم الجمعة الصبح بي منصور اخويه من فرنسا ..
تنقز الريم من الكرسي ااااااااااحلف .؟؟؟
حمدان : والله صج ؟؟؟
الريم : عيل بسوي لك أحلى عصير ؟؟؟؟يلا فطوم قومي وياي المطبخ ..
فطوم وهيه يالسة تصفح المجله مافيني سيري اروحج .. الريم : ويا ويهج صدق ماتستحين ؟؟؟
والريم وهيه طالعة من الصاله ... فطوم : ازاعج أقول الريم يبي لي بعد عصيييييير ..
الريم : اوكيه ..

حمدان : أقول فطوم إنت أي صف ؟؟
فطوم : 3 ثنوي
حمدان : ههههههههههه تحسبتج في الروضة
فطوم : لا بعدني في بطن أمي
حمدان : تعرف تنكت بعد
فطوم : لا نحاااااااول
حمدان : شو اخبار العين وأخبار سيف اخوج وليييييش مايا وياج
فطوم : ماادري قال بيلس ويا عيال عمي ..
حمدان : اهااااااا أقول سيري طالعي الريم تأخرت ..
فطوم : هذيه يت بنت حلااااال
حمدان : فديت اختي أنا ؟؟؟
الريم : يلا خلاص اجلب ويهك سوينا لك العصير
حمدان : مش منكن من اللي ايلس وياكن ....
الريم : مانبي يهال ويانا ؟؟؟؟؟
فطوم : اووووووووو قفطه .....
حمدان : شوفو منو يرمس إلا ثالث ثنوي حضراتكن ...
ويلس يغلس عليهن ....
فطوم : أقول الريم أنسير فوق أريد أجيك على ايميلي دخييييييلج ..
الريم : حمدان وين الاب توب
حمدان : في الصاله الفوقية بتلقينه ...
سارن فوق وشلن الاب توب وسارن حجرة الريم ..
فجت الريم ايميلها أول ... فطوم : منو هاااااا اللي عندج اون لاين ...
الريم : هذا منصور اخويه دااش
فطوم : اقوووول شو رايج انسوي له مقلب حلووووو
الريم : انت ماتيوزين عن مقالبج .. المهم شو بتسوين ..
فطوم : بضيفه عندي على ايميلي ونيلس انغلس عليه ..
الريم : خلاص يلا ....
وضافن منصور على ايميل فطوم ...
فطوم : مرحباااااا
منصور : مراحب والله .... منو وياي
فطوم : اممممممممم القمر
منصور : هههههههه تحسبت الشمس
فطوم : خلاص الشمس ولا يهمك
منصور : منوووووو يلا عاااااااد بلا غلاسه
فطوم : قلت لك القمر ماعيبك ....
منصور : المهم منوووووووو
فطوم : اقول منصور اشحالك
منصور : بعد تعرفون اسمي ..بخييييير وسهاله
فطوم : اكييييييييد لااااااازم نعرف اسمك ؟؟؟؟
منصور : انزين ماتعرفناااا منو ويانا
فطوم : امممممممممم
منصور : تراني بسفرج ببلوك ...
الريم : فطوم عاااد قول له حراااااااااام كله ولا منصور
فطوم : سيري لا خليني اشوي اغلس به
فطوم : قالوا انك بترجع يوم الجمعة صح
منصور : بعددددددد ..... انت اكيد واحد من الربع صح
فطوم : لا والله مش من الربع
منصور : الحين : شوووو بتقول اسمك ولااااا
فطوم : يوم بتي بوظبي بقول لك .... اسمح لي الحين بطلع
منصور : لا لا لا لا لا .... أول منوووووو
فطوم : أنا القمر
منصور : لا والله
فطوم : صدق والله بتعرف يوم الجمعة صدقني
منصور : خلاص نتريا يوم الجمعة شو ورانا نحن ..


في فرنسا ............. يوم الخميس الصبح
منصور يرمس ربيعه سعيد هااااااا سعيد رتبت اغراضك في الشنطة ...
سعي : حق مستعيل بعدنا الصبح والطيارة إلا في الليل ..
منصور : والله اني مشتاق حق بوظبي وأهلها ...
سعيد : صدق والله حتى اشتقت حق العين وأهليه
منصور يلا سعيد قوم وياي انرتب اغرضنا ماشي وقت ؟؟؟

في بوظبي .... فطوم نازله من فوق .. شافت خالها خليفة مرحباااااا والله بخالي اشحالك
خليفة : هلا بشيخة البنات بخير يعلج الخير اشحالج انت
فطوم : تمام والله
خليفة : هاااااا فطوم متى بتروحن العين؟؟؟؟
فطوم : شووووو خالي هذي طرده
خليفة : افااااااا والله افاااااااا بس أسأل ؟؟؟
فطوم : اهااااااااا يوم الجمعة العصر
خليفة : ووووين الريم عيل عنج
فطوم : ماادري قالت بتسير اطالع التلفزيون اكيد يالسه تحت
خليفة : اهاااااااا .... عيل برايج انا بسير اريح شوي ...
فطوم : برايك خالي الله وياك
فطوم : سارت صوووووب الريم وتفرها بالمخده
هااااااااااي ....
الريم باسم الله فزيتي قلبي ؟؟؟
فطوم : اشفيج معتفس ويهج
الريم : الفلم خرب مزاجي
فطوم : والله ماعندج سالفه .... قومي انسير الحديقة اشوي نتمشى
سارن الحديقة وشافن حمدان يالس يلعب كوره
: الريم شو رايج نلعب كورة طايرة
الريم : خلاص اوكيه
ويلسن يلعبن ويا حمدان كورة طايرة
ويأذن المغرب
الريم : فطوم يلا انسير انصلي ....
تاااااااااااااااااااابع

باااااااااااااك
يوم الجمعة 6 الصبح
الريم : فطوم قومي بسج خلصتي الرقاد
فطوم : دخيييييلج خليني اكمل بس دقيقة
الريم : شو بتسوي لج هذي الدقيقة
فطوم : بشوف فيها فارس احلامي
الري : ههههههه عاااااد اللي يقول فارس الاحلام ياي يربع ..... يلاااااااا عااااااد بي منصور الحين
فطوم : خلاص بقوم وسارت تتغسل وتلبست ...
ونزلن الصالة وشافت خالها وحرمته وحمدان وهند ( 3 ابتدائي ) يالسين وسلمت عليهم ويلسن ...
الريم : أقول ابويه منو بستقبل منصور في المطار ...
خليفه ( بو منصور ) : عمج سالم بستقبله
الريم : والله عمي سالم ... عيل بسير ادق تلفون حق عمي بشوف وينهم تأخرووووووا ..
وسارت ادق حق عمها سالم ...
الريم : الوووووو
سالم : هلااااااا
الريم :أهلين عمي هااااا اخباركم
سالم : تمام والله
الريم : وينكم الحين
سالم : عند الباب
الريم : والله عيل باي
تربع الريم صوب كم امها ... أمايا عمي سالم ومنصور عند الباب ..
أتسير امها تفتح الباب : هلا والله بوليدي ويسلم منصور على أمه وأبوه وأخوانه ويقعدون في الصاله .... يسولفون عن فرنسا واخبار منصور ...
خليفة : اترخص عيل انا بسير العزبة اسمحلي وليدي منصور
منصور : افااااااا عادي ابويه انا بعد بسير اريح اشوي ..
حمدان : ابويه بسير وياك العزبة
خليفة : يلا عيل تعال وياي ... شو هند مابتروحين ويانا .. العزبة
هند : اذا فيه دراجات بروح وياكم
خليفة : تعالي ويانا شي دراجات هناك
الريم : الله عيل انا بعد بسير وياكم
خليفة : ووووووين تبين ويانا يالله بستر عدال عزبتا عرب فضيحة شو بقولون عنا .هاااااا
الريم : اوووووووووف خلاص بقعد ويا منصور اسولف
منصور : لا مافيني بسير اريح اشوي
الريم : لااااااا حرااااااااااام ايلس ويانا اشوي ...
منصور : اوكيه
سالم : خلاص برايكم حتى انا بترخص منكم بسير ورايه شغل
فطوم : الله وياك خالي
منصور : هلااااا والله بنت عمتيه اشحاااااالج فطوم ...
فطوم : تمام والله اشحالك انت
منصور : بخير ربي يعافيج
الريم اطالع فطوم وتغمز لها وتضحك
منصور : شو السالفه شوووو بلاكن
الريم : اقووول فطوم ولا
فطوم : لا لا لا لا لا لا لاااااااااااااااااااااا
منصور : يلا عاد قولن شو وراكن
فطوم : خلاص بقول امري لله ... أقول منصور محد غلس بك على المسنجر
منصور : امممممممممم هيه لا يكون انتي الحين القمر
فطوم : احم احم طبعااااااااا ماتشوف بوظبي منوره
منصور : لا والله منوره بوجودي طبعا
فطوم : هههههههههه تحلم
منصور : باسم الله على القمر ... سيلانيه وتشبه عمرها بالقمر
فطوم :لا والله فديتني
منصور: سيري لاااااااا ... بسير ارقد ابرك لي من مجابل السيلانية وسار فوق يريح
الريم : كله منج حوشتي اخويه ماخليتيني اسولف وياه
فطوم معصبه ويلست اتصيييييييييح
الريم : اشفييييج لييييييش اصيحين
فطوم : لا والله انا الحين سيلانية .... كله منج مقومتني من الصبح عشانه
الريم : عااااااادي خذيها بروح رياضية
فطوم : تمسح دموعها وويها استوى احمر ....
والله صدق ليييييييش اصيح غبية
الريم : تضحك عليها
يلاااا قومي انسير المطبخ ناكل شيء
فطوم : إطالع الدريشة الله الجو رووووووعه
الريم : مهب بس .... انسير نتمشى شوي في الحديقة طفرت من البيت ..
كل وحدة شله كوبها وسارن الحديقة ويلسن على العشب يسولفن ... فطوم : اقول الريم عندي خاطره شو رايج اقولها لج
الريم : يلا قولي عشان ارد عليها ... فطوم : اوكيه
فطوم : ماهو من اطباعي التجريح .... لكن خلي يمشي ويجرح في قليبي ... تعبت من كثر مااشكي من حبي ... تعبت مايحسون بلوعه اقليبي...
الريم : يامرحبا يا بو قلب جريح .... لا تشيل هم غاليك .. الكل له همه .. لاكن وش يفيد الكلام دام قلبهم مايحس .... اترك .... همك ولا تشيل هم غاليك ......
وينزل مطر...
فطوم : الله رووووووووووووعه ...
الريم : فطوم قومي انسير داخل لا نتخيس في الماي
فطوم : لا خلينا شوي اذا زاد بندش داخل ..
الريم : اوكيه ...
ويلسن تحت الشجرة يسولفون ويشوفن المطر كيف ينزل ... وشافن المطر يزيد .. وسارن داخل عشان مايتخيسن ... ويلسن يطالعن الجوووووو من الدريشة
فطوم : اووووووووووووو أريد أطلع الجو جنان برع
الريم : خلينا نتريا المطر يخلص وبنقول حق امايه اتودينا العزبة ...
فطوم : صدق والله بتقولين حق امج
الريم : اذا طاعت امايه ..
وينزل منصور من فوق .... هااااااا شو اسون عند الدريشه

فطوم مالفت صوب منصور
الريم : نتريا المطر يخلص عشان نبي انروح العزبة عند كم ابويه ...
منصور : صدق والله اريد اسير العزبة عااااااد الجووو مايتعوض ...
الريم : الله ونااااسة بنسير وياك عشان امايه اطيع تخلينا انسير .... شوووو رايج فطوم
فطوم : خلااااااااااااااص ماابي اروح كنسلت
الريم : لاااااااا حرام لا تخربين علينا
منصور : احسن فكه ؟؟؟؟
الريم : عيل انا مابسير مادام انج مابتروحين ... مااقدر اودرج بروحج في البيت
فطوم : لا الريم سيري عااادي انت في خاطرج اتسيرين العزبة ... أنا بيلس اتريا أبويه عشان ارد العين
الريم : انزين بعده وقت الحين بعدها الساعه 2 ..
فطوم : خلااااااص بس عشان خاطرج ...
منصور : أوني عااااااد ... زعلاااااااانه ..... اقول الريم سيري يبي لي شيء اشربه
الريم : اوكيه
فطوم : الريم شليني وياج
منصور : افااااااا يلسي وياي اشوي
فطوم : مااباااااااا ...تراني سيلانيه
الريم : فطوم يلسي برجع بسرعه مابتأخر
سارت الريم صوب المطبخ تيب حق منصور شيء يشربه.....
منصور : اقووووول فطوم ... زعلانه
فطوم سااااااااكته مارمست
منصور : والله مب قصدي وعااااااد مايستاهل شيء ازعلين عليه .... خلاص ارضي بتردين العين وانت زعلانه ...
فطوم : لا عادي ..... مب زعلانه
منصور : اقووووووول منو قاص عليج وقال انج قمر
فطوم : هههههههههههه ابويه قالي اني قمر
منصور : هههههههههههههههههه حليلج قاص عليج
فطوم : لا والله .....
منصور : شوووووو رايج اقول لج نكته عشان اضحكين ؟؟؟؟؟
فطوم : امممممممم اوكيه قووووول
منصور :سيارة ماطاعت تشتغل لييييييييش ؟؟؟؟؟
فطوم : ليييييييييش ؟؟؟؟
منصور : تريد تكمل دراستهااااااااا ؟؟؟
فطوم : ههههههههههههههههههه
منصور يطالع فطوم يوم تضحك ... ويقول في خاطره صدق والله انج قمر ... اجنن فيها غمازه بعد ...................

باك
الريم ويايبه وياها العصير حق منصور ....
وتيلس عدال اخوها وتسولف وياااااه ... وفطوم يالسه تراقب منصور يوم يسولف وهيه ابد مارمست بكلمه .... اتي البشكارة وتقووول .. فطوم تلفون مال انت يصيح ... سارت فطوم تيب تلفونها وترد عليه ...
فطوم : الووووو
أبو سيف : مرحبا والله
فطوم : هلا والله ابويه اشحالك عساك بخير
أبو سيف : بخير ونعمه ... اقول فطوم الحين بخطف عليج برد العين
فطوم : ليييييييييش ... لا اااااا
أبو سيف : شووووووو عيبتج اليلسه عند خالج
فطوم : الصراااااااااحه هيه واااااايد وناسه هنيه ومنصور قال بودينا العزبة الحين .
أبو سيف : والله منصور رجع متى؟؟؟؟؟
فطوم : اليوم الصبح
أبو سيف : لا بس انا خلصت شغلي الحين بخطف عليج وبسلم على منصور في طريجي ...
فطوم : خلااااااااص ابويه بترياااااااك يلا باي


تسير فطوم صووووووب الريم ومنصور ...
منصور : هاااااا فطوم بنسير العزبة ...
فطوم : مابروووووح خلااااااص
الريم : لييييييييييش؟؟؟؟؟؟
فطوم : ابويه الحين بيي وبنروح العين .. ويبا يسلم على منصور بعد
الريم : خلاااااص خيرها في غيرها ... انشاء الله بنروح عزبتكم يا فطوم اللي في العين يوم العيد وانت تدرين بعد العيد ماباقي شي عنه إلا اسبوع...
فطوم : صدق ذكرتيني يعني بتعيدون في العين
منصور : اكييييييييد يبيلها كلاااام بعد شو بنيلس انسوي في بوظبي بروحنا دامهم كلهم في العين
فطوم : الله ونااااااااااااااااسه لاتخبرين ودووووم بنت عمي بنسويها مفاجئة شووووو رايج
منصور : انتن صدق ماتيووووووزن من حركاتكن ...
فطوم : شووووووو ورانا بعد ..
منصور : بدال ماتحاتن نسبتكن انتن الحين 3 ثنوي لاااااازم اتشدن حيلكن نبي نسبة اووكيه تبيض الويهه
فطوم + الريم : انشاء الله يا رب نسبه حلوه
الريم : اقول منصور اذا يبنا نسبه حلوه انا وفطوم شو بتيب لنا هديه
منصور : امممممممممم بوديكن المارينا
فطوم : لاااااااااا مانبي
منصور : اممممممم بوديكن مكان روووووووووعه ؟؟؟؟
الريم : وووووووووووين
منصور : يوم بتي النسبه %%%%%
فطوم : لااااااا قول الحين الفضول بيذبحني
منصور : نووووووون
الريم : منصور دخيلك فديتك انا
منصور : سوووووووووري
فطوم : خلاااص احسن انخليها في وقتها
منصور : توج حرمه جيه ابااااج ماتذلين عمرج
فطوم : اعجببببببببببك ولاااا يهمك

تلفون منصور يصيح .... ويشله ويقوول : مرحباااا الساع
سعيد : هلا والله براعي الصوت
منصور : اشحالك واخبارك بو عسكور
سعيد : بخير ربي يعافيك اخبارك انت واخبار بوظبي
منصور : تمام والله الجووووو روعه هنيه توه نازل مطر .... يمكن اسير العزبه خلاف المغرب
سعيد : صدق والله حتى في العين الجووو حلو اليوم بس مش واايد مطر إلا نفاف ..اقول منصور شووو مابتي العين
منصور : اكيييييييد بيي العين اصلا انا مااقدر اصبر بدونك ...
سعيد : فديتك والله تسلملي
منصور :اخبار الربع في العين
سعيد : الصراااااحه بعدني ماشفت ولا واحد منهم .. بس دقلي هزاع من شوي وقال انهم بسيرون الامارات الشمالية باجر ويبانا انسير وياهم وقال انه دق لك تلفون وتلفونك مغلق .
منصور : هيه والله كنت راقد توني إلا من شوي قايم .. شو سعيد انت بتسير ويا الربع ولا
سعيد : اذا انت بتسير انا بسير وياك
منصور : الصراحة والله مافيني اسير قول لهم يأخرون شوي عقب العيد بنسير شوووووو رايك
سعيد : حتى انا والله كان في خاطريه عقب العيد نحن إلا اليوم واصلين نبي انريح شوي أقول منصور مابتي صوبنا
منصور : أفااااااا أكيييييد بييكم
سعيد : والله متى بتي عيل
منصور : ماادري والله يمكن باجر ولا إللي عقبه ..
سعيد : خلاص عيل برايك الغالي شي في خاطرك
منصور : تسلم ماتقصر ..
ويبند منصور من سعيد ...
الريم : منصور من هااااا اللي ترمسه
منصور : سعيد
الريم : منو سعيد ؟؟؟؟؟
منصور : ولد عمها فطوم ..
فطوم : صدق والله سعيد بعد يدرس في فرنسا ... اقول منصور شو راجعين ويا بعض انت وسعيد
منصور : هيه ،،،،،، لأنه في نفس الكليه مالتيه وما باقينا إلا كمن شهر وبنخلص دراستنا برع
الريم : صدق والله متى
منصور : يعني اممممممممم يمكن بعد 3 شهور تقريبا
الريم : الله وأخيراااااااااا بترد ويانا
منصور : صدق والله بس بعد بشتاق لفرنسا واااايد الحين تقريبا عشت فيها 5 سنين
فطوم : اوني عاااااااد انتو اصلا تبون الفكه ودكم ماتردون فرنساا مووووول
منصور : خخخخخخخخخخخخخخخخ

ويدخل أبو سيف البيت .. هو د هووووود ياهل البيت
منصور : هده هده اقرب اقرب .. محد غريب
يدخل أبو سيف ويسلم على منصور والريم وتقوم فطوم وتحب راس ابوها ...
منصور اقرب عمي حياك البيت بيتك ... أبو سيف : لا والله اسمحلي منصور فديتك ورايه خط بعد ..
منصور : شو عايلنك ؟؟؟
أبو سيف : لا والله ورايه العزبه الحين من اسبوع ماشفتها
منصور : وأنا أقول لييييييييييش مستعيل انت وابويه مره اللي يقول مولودين فيهن هالعزب
أبو سيف : شو انسوي بعد انطالع حلالنا ... يلا عاد سمحولي يا جماعه بنسير الحين
منصور : قصر الدوب ويانا شوي
أبو سيف : اسمحلي وليدي منصور الود ودي اقعد وياك بس شو اسوي
منصور : مرخص ياعمي والله انه العمر يخلص والشغل مابخلص ..
سارت الريم ويا فطوم عشان اتنزل اغرضها ...
الريم : فطوم والله اني بشتاقلج وااااايد
فطوم : يا المكرررررر ... إلا يومين وبتون عدنا العين
الريم : ويا ويهج ؟؟؟؟؟ جامليني شوي
فطوم : هههههههههههه يلا عاد خلينا ننزل ابويه مستعيل
الريم : يلا نزنا ..
وترجع فطوم العين ......
يوم السبت في المدرسة ....
فطوم : هلا والله بأسوم الغاليه
أسوم : أهلين فديتج شحالج
فطوم : تمامووووووو
اسوم : هاااااا اخبار بوظبي
فطوم : والله انها روعه .. بس خساره كنت بسير العزبه ويا الريم بس ابويه قال بنرجع
اسوم : هههههه اللي يقول الحين بتروحين المجمعات
فطوم : سيري نقعي لااااا مش منج مني انا اللي يالسه اسولف وياج
اسوم : افاااااا نمزح
فطوم : ادريبج
اسوم : فطوم سمعتي أخر خبر
فطوم : لا شوووووو صاااار
اسوم : امممممممم المس مالتكم مالت العربي ربت .. ويوم الاثنين اجازه عشان العيد
فطوم : اووووووووف هذي مالقت تربي إلا الحين جان اخرت شوي بعد العيد
اسوم : شو انسوي بعد
فطوم : اقول وين ودوم بنت عمي عيل
اسوم : في الصف
فطوم : شووووووو اسوي
اسوم : تدرس بعد مرة مستويه حمبصيه
فطوم : نحن بنات علمي ماندرس شراتكن انت بنات ادبي وماكلات الكتاب أكل
اسوم : باسم الله علينا قولي ماشاء الله
فطوم : ماشاء الله شو قلنا نحن ..
اسوم : فطوم فطوم شووو منو يمشي هناك
فطوم : ووووووين
اسوم : ويا ويهج عند الدري
فطوم : منوووووو
اسوم : مريم
فطوم : وينهاااااا
اسوم : ويا عيونج طالعي زين
فطوم : فكت ويها ما احبها لييييييييش اتخلينا اشوف ويهااااا ،،،،،،
اسوم : حرااااام عليج والله انها فنانه انت ماتعرفينها زين
فطوم : سيري نقعي انتي وياها ماابي اكلمها ولا اشوف شكلها
اسوم : والله انت فهمتيها غلط
فطوم : شوووو فهمتها غلط ماغلط .. من اول يوم شفتها فيه مخليه دوبها من دوبي ماكله حلال ابوها اناااا عنلاتها .....
اسوم : خلاااااص انت منو يفج لج السالفه سرت اجحلها عميتها ؟؟؟ قومي قومي خلينا انسير انطالع قوم موزة وودوم وينهن .....



في صف قوم فطوم تدخل مس العربي ..
المس : السلام عليكم
البنات : وعليكم السلام
المس : شكرا تفضلن .. أنا معلمة اللغة العربية بدلا من معلمتكن ..
فطوم مس لو سمحتي ممكن سؤال
المس : تكلمي باللغة العربية الفصحة
علاية والعاش يطالعن فطوم ويضحكن ...
تكتب علاية ورقة حق فطوم .. تكلمي اللغة العربية الفصحة يا فاطمة يحليها قفطوووووها ..
تعصب فطوم من علاية واطرش ورقة حقها وتكتب فيها نقعي انت ومس العربي فوووووقج
المس شافت الورقة يوم يمررنها من بينهن .. وتشلها وتقراها .. وتعصب وتوقف علاية وفطوم والعاش وتهزبهن والعاش تقول .. معلمتي نحن أسفين لن نعيدها أخر مرة
المس : هذه أخر مرة اراه هذه الاوراق التي تمر من بينكن
العاش :" خلاص يلسينا ..
وايلسن وفطوم امفوله على المس .. بس بعدها مايازت من حركاتها واطرش ورقة ثانية وتكتب فيها شوفووووو قميص المس (( الحق ماتلحق شو وجهه الشبة بين المس والقرد اللي على قميصها )) أقول بقرتنا مريضة فديت روحها ؟؟؟؟!!!
وتعطيها فطوم موزة عشان تعطيها مريم وتوصلها حق علايه والعاش ..
المس مسكت الورقة عند مريم يوم حاولت تعطيها علايوة والعاش .. وخلت مريم تقراها بصوت عالي جدام بنات الصف ... المس من سمعت الكلام عصبت وقالت منو اللي كاتب الكلام اللي في الورقة .. مريم سكتت .. المس : انت .. مريم اطالع فطوم وموزة .. فطوم نزلت راسها .... مريم : هيه ..
المس قالت جدامي يلا عند الاخصائية ..
وسارن مريم عند الاخصائية وهزبوها وكتبوها تعهد حليلها مريم .. ورجعت الصف ..
في الصف .. موزة تقول حق مريم شو استوااا عند الاخصائية ..
قالت مريم : كتبوني تعهد ..
فطوم فقط ويهااا حرام انا السبب .. كنت اتحسبها مب زينه حليلها .. ماخبرت علي ..
وتسير فطوم صوب موزة وتقولها اريد اتأسف من مريم قوليلها .. تزكر موزة مريم صوبهن واتي مريم ..
فطوم : مريم أنا أسفة
مريم : لااااا عادي
فطوم : والله صدق كنت اتحراج مب زينه والله سمحيلي واذا مافيه مانع استوي ربيعتج
مريم : لاعادي انت ربيعته .. وتسلم عليها
موزة : خلاااااص صافي يا لبن
فطوم : اكييييييييييد


في بوظبي منصور يالس يتمشى مع ربيعه محمد في المارينا ويصيح تلفون منصور
سعيد : الوووووو
منصور : هلا والله بو عسكور
سعيد : اهلين اشحالك
منصور : بخير ونعمه اخبارك انت واخبار الربع
سعيد : ها منصور وين أنت
منصور : والله يالس في المارينا من ساعه الحين ويا محمد دوخ براسي
سعيد : صج ادريبه محمد مغازلجي ورا البنات
منصور : شوفو منو يرمس انت أكبر مغازلجي مب علينا حركاتك
سعيد : كككككككككك وانت
منصور : حشااااااا عليه لييش ألعب بمشاعر البنات دام إني مااحبها
سعيد : خلنا من هالسالفة المهم نترياك مب حلوة القعدة بدونك
منصور : احم احم .. ادري لاااااازم
سعيد : لا والله صدق مب يالس امزح وياك
منصور : انشاء الله بني العين يوم الأحد العصر
سعيد : احلف
منصور : حق شووووو احلف ... مب اكييييييد
سعيد : المهم تراهم الربع مشتركين في مال الخيول شو رايك اندش وياهم ماشي ورانا شغله
منصور : اكييييييييد مدام انه فيه خيول
سعيد عنلاتك ادريبك
منصور : خلاص عيل انا بترخص بسير العزبه ماسرتلها
سعيد : خلاص برايك مع السلامه

باك
شو رايك اتي وياي عزبتنا بدال ما دام طايح هنيه لا شغله ولا مشغله
محمد : اوكيه بس بني المغرب المارينا
منصور : سير لا متفيج انا مايلست ويا اهلي بيلس وياك لا بعد يربعبي ورا البنات
محمد : خلاص امري لله


يوم السبت العصر .... الساعة 5.50
فطوم الحبيبه داشه المسنجر اترمس ربيعاتها .. ويدخل (( انت غير الناس )) ... فطوم : خيبه منو هااااااا .. اطالع الايميل وتشوفه ايميل منصور ... فطوم : يا ربي استحي ارمسه يا رب يا رب مايدش عليه ...
منصور .يرمس عمره. هلا والله شووووفوو منو داش عندي ((( وش هيه حياتي دونك )))
يدش منصور على فطوم ...
(( انت غير الناس )) : مرحبا والله
فطوم .... لا مستحيل شو بقوله الحين ...
((( وش هيه حياتي دونك ))) : مرااااحب
(( انت غير الناس )) : اشحاااااااالج واخبارج
(((وش هيه حياتي دونك ))) :طيبة والله اشحالك انت
(( انت غير الناس )) : تمام عاااااش من سمع هالصوت
((( وش هيه حياتي دونك ))) : عاشت أيامك .
(( انت غير الناس )) : أقوووووول
((( وش هيه حياتي دونك ))) : تفضل
(( انت غير الناس )) : ماعرفنا شي عنج
فطوم ترمس عمرها شوووو قصده
((( وش هيه حياتي دونك ))) : شووووو ،، مافهمت شو قصدك ؟؟؟؟؟؟؟
(( انت غير لناس )) : قصدي يعني اعرف عن شخصيتج ومواهبج يعني من هذي الامور لأني أنا مايلست وياج وايد عشان اعرف شي عنج
((( وش هيه حياتي دونك ))) : اهاااااا ،،،،،، انت تعرف اسمي فاطمة ،، 3ثنوي علمي ،، اسكن في العين ،،
(( انت غير الناس )) : ههههههههه ادري .. قصدي يعني مواهبج شوووووو
((( وش هيه حياتي دونك ))) : انااااا
(( انت غير الناس )) : هيه احيدج يوم صغيرة تحبين الرسم ..
((( وش هيه حياتي دونك ))) : ههههههه قبل ،، الأول تحول ... الحين احب اكتب خواطر
(( انت غير الناس )) : والله من متى ....
((( وش هيه حياتي دونك ))) : من زماااااان
(( إنت غير الناس )) : اوكيه عيل سمعينا شي منهن
((( وش هيه حياتي دونك ))) : اممممممممم .. بشرط
(( انت غير الناس )) : شووووو
((( وش هيه حياتي دونك ))) : ترد عليها أو تسمعني شي من عندك
(( انت غير الناس )) : فالج طيب ماطلبتي يا بنت خلفان
((( وش هيه حياتي دونك ))) : احم .... احم
((( وش هيه حياتي دونك ))) : لك سلامي يا سيد احساسي ... لك حبي يا بسمة وجداني ... لك الروح والخاطر يا بعد خلاني ... لك مشاعر الكون يا من له فدى العيون ....
منصور من قرأ الكلام وقف قلبه .... والله انج خطيرة ..
(( انت غير الناس )) : وووينك ما فكرت تسأل .. ووووينك غبت عن عيني ... ووووينك سألت الناس عنك ... إرجع .. خلاااااص مالنا عيشه بدووونك ...
فطوم ... اووووووف عجيب ماكنت ادري يعرف يكتب بعد ..
(( انت غير الناس )) : شووووو رايج مب حلوه صح
((( وش هيه حياتي دونك ))) : لا والله حلوه ماعليها كلام
(( انت غير الناس )) : منصور يسألها بمكر ... حق منو تكتبين
(((وش هيه حياتي دونك ))) : امممممممم .. مب حق حد ؟؟؟؟؟
(( انت غير الناس )) : لااااا مايصير مايطلع اصلا شيء إلا اذا انت حاسه بهذي المشاعر
((( وش هيه حياتي دونك ))) : لا والله مب شرط حق حد عادي اكتب بس جيه
(( انت غير الناس )) : والله ... يمكن
((( وش هيه حياتي دونك ))) : ليش مب مصدقني ......
(( انت غير الناس )) : لا والله مصدقنج
((( وش هيه حياتي دونك ))) : تحسبتك بعد ؟؟
(( انت غير الناس )) : المهم برايج أذن بسير المسيد قبل مايقيمون الصلاة ... شيء في خاطرج
((( وش هيه حياتي دونك ))) : سلامة راااااسك ... الله وياك
(( انت غير الناس )) : برايج ...بااااااي

منصور سار وتوضأ ونزل بسرعه عشان يسير المسيد وهو نازل من الدري شافه أبوه هاااا منصور لييييييش مستعيل وين رايح ..
منصور : بسير اصلي بسرعه قبل لايقيمون الصلاة عني
أبو منصور : خلاص انا عيل رايح الحين خلنا انروح ارباعه ..
منصور : يلا ابويه عيل بسرعة
أبو منصور : يلاااا ..

الساعة : 6.55
يصيح تلفون فطوم ....
فطوم : الووووو
الريم : بونسوار
فطوم : هلا والله براعيه هالصوت
الريم : كومان تاليفو ،،، كومان فو بورتيه ،، كووووومان سافا
فطوم : ايل سوبورت بيان ،، ميرسي
الريم : ايل يا لو نتان كوجو نوفوزي بافو
فطوم : دخييييييلج مااعرف فرنسي وايد إلا كمن كلمه
الريم : مشكلتج .. والله انا عندي منصور ألقط لي كمن كلمه من عنده
فطوم : يا حظج انا ماعندي حد
الريم : عندج ولد عمج سعيد
فطوم : دخييييلج لووو شفته مابعرفه
الريم : افااااا لييييييييش
فطوم : ماأطلع يوم أيي بيتنا .. بعدين هو ماأينا وايد
الريم : اهاااااااااا ،،، الصراحة مشكله أهلنا مانشوفهم إلا في المناسبات
فطوم : على طاري المناسبات شووو متى عطوكم إجازة
الريم : يوم الإثنين إجازة يعني بني العين يوم الأحد العصر على قوله أمايه .. بس مأدري يمكن تغير رايها
فطوم : اهااااا مب كيفكم غصبا عنكم اوكيه
الريم : انشاء الله يصير خير
فطوم : تصدقين ماقلت حق ودوم انج بتين يوم الأحد
الريم : أحسن خليها شوي تعصب
فطوم : ههههه .... برايج اسمع أمايه تزكرني أكييييييد منصوري اخويه يصيح بسير اطااااالعه
الريم : فديته حبيه حقي
فطوم : من عنوني
الريم : تسلملي عنونج
فطوم : اوكيه عيل بخليج
الريم : بون وي
فطوم : اووووووووف تغايظ السباله ماعليج يوم بتين العين بخليج تعلميني فرنسي اوكيه
الريم : اوكيه فالج طيب بنخلي منصور يعلمنا شوي
فطوم : لا دخيلج مافينا
الريم : خلاص برايج اسمع امج تزكرج
فطوم : اوكيه باااااي


الساعة : 11.30
فطوم يالسه عند التلفزيون اطالع فلم هندي ولااااا يقول عليها باجر مدرسة .. عاد الأخت مندمجه بالفلم مر تصيح ومره اضارب .. وعيونها تنفخن من الصااااايح على البطل .. ويلست اطالع التلفزيون ولاهماهاااا الوقت .... ويمر الوقت ويمر ... وخلص الفلم .. فطوم اطالع الساعة 2.15 خيبه اوووووف ورايه مدرسه شووو بقومني باجر الله يعين وين بروح من حنة أمايا الصبح وسارت ترقد ...
الساعة : 6.35
شمة توعي فطوم .... فطوم قومي مدرسة .. فطوم تفرها بالمخده خليني ارقد .. وتعصب منها .. وتطلع شمة من حجرة فطوم وسارت صوب الدري وشافت سيف وقالها وين فطوم ..شمة: ماطاعت تقوم .. سيف : ماعليه بخليها تقووم غصبا عنها .. وسار سيف وياب ماي بارد وجبه على ويهه فطوم ويفل بسرعة وفطوم وراه وينزل من الدري وهو يربع على الدري يطيح من فوق اللين تحت ... ويتم يصيييييح ريله عورته .. بسرعه يودونه المستشفى .. الظاهر ان ريله انكسرت وجبسوه حقه .. والسبب فطوم ... والكل الحين طايح عليها ..
أم سيف : أشطولج وعرضج وتربعين ورااا اليهال استحي متى بتعقلين انت .. الله يعين اللي بياخذج
فطوم : احم احم يحمد ربه يوم بياخذني يصلي ركعتين كل يوم يشكر ربه ...
ام سيف : امحق عااااااد شوووفو منو يرمس ؟؟؟؟
فطوم : لااااازم أصلا انت ماتعرفين قيمتي إلا يوم بعرس بتحسين فيني ..
أم سيف : سيري عني .. سيري طالعي الطباخ سوا الغداااا ولا بعده ماشي الحين بيي ابوج من العزبة
فطوم : يهل العزبة والله اني كرهتهاااااا
اقوووول امايا اليوم بيون قوم خالي صح ؟؟
ام سيف : هيه اليوم بيون العصر وابوج بعد مسوي العشاء في العزبة
فطوم : لحووووووول كله العزبة أبويه ماعنده غيرها .. يعني قولي العين مول ولا المبزره ولا يبل حفيت ولااااا .......الخ
ام سيف : ابوج مايحب الناس وااايد ويحب انكون إرواحنا محد ويانا يطالعنا
فطوم : اهاااااا
أم سيف : يلا سيري طالعي الغدااا
فطوم : اوكيه


الساعة: 5.30
عائلة خليفة وصلت من بوظبي وبباتون في بيت أبو سيف لأنه بيته كبير وواسع ومسوين لهم قسم خاص ..
فطوم يالسه في الحجره منسدحه على الشبريه وتدخل عليها الريم .. وتزيغها .. وتنقز فطوم من فوق الشبريه واطيح تحت ..
الريم : ككككككككككككككككككك
فطوم : عنلاتج يا السباله صدق ماتستحين
الريم : شوووووو اسوي يوم انت بسرعه اتزيغين
فطوم : لا والله
الريم : يلا يلا تعالي ننزل تحت أريد أسير اشوف بيت الحمام اللي عندكم
فطوم : باسم الله اول خلينا انسلم على أهلج
الريم : اوكيه يلا نزلي كلهم الحين تحت
فطوم : اوكيه خليني اغير ملابسي .. الريم اختاري لي شوو البس ..
الريم : لبسي شراتي .. كندوره عربيه ..
فطوم : اوكيه .. ون منت
سارت فطوم تلبست وجحلت عيونها وخلت شوي لمعه ونزلت ... الريم ... يا ويلي يا ويلي شوووووو هالكشخه
فطوم : ههههههههه اخجلتي تواضعي
الريم : يلا يلا قبل لاتفجينا سالفه
فطوم : ايه صبري ماقلنا حق ودوم انج عدنا
الريم : سيري دقيلها وقولي لها تعالي بيتنا اونج بتراوينها أي شيء .. بس لاتقولين اني انا هنيه
فطوم : اوكييييييه ...
سارت فطوم ودقت حق ودوم ..
فطوم : الووووو
سعيد : هلااااا
فطوم خيبه منو هااااا
فطوم : جيف الحال
سعيد : بخير يسرج الحال
فطوم : منو وياي
سعيد : لا والله انت اللي داقه
فطوم قفط ويها شووو اقووول
فطوم : انزين لو سمحت اريد ودوم
سعيد : ودوم
فطوم : هيه
سعيد : اوكيه لحظه بزقرها
فطوم : اوكيه
سار سعيد يزقر ودوم ..
سعيد : ودوووووووووم
وديمة : شووووووو
سعيد : تلفون بسرعه نزلي
وديمة : اوكيه بند التلفون من تحت برد عليها من فوق
سعيد : اوكيه
وديمة : الوووووو
فطوم : هلااااا عنلاتج يا الخايسة منو هاااا اللي رد عليه
وديمة : سعيد لييييييش ؟؟؟
فطوم : لا بس ماعرفت منو رد عليه تحريت مغلطه
وديمة : اهاااااا
فطوم : اقوووووول تعالي بيتنا عندي لج مفاجئة
وديمة : شوووووو
فطوم : يوم بتين بقول لج المفاجئة
وديمة : اوكيه
فطوم : يلا عيل اترياج باي
وديمة : باي
تنزل ودوم في الصاله .. تشوف سعيد كاشخ وطالع ...
ودوم : سعيد وين رايح
سعيد : بروح بيت قم عمي
ودوم : والله ودني وياك بسير عند فطوم دخيلك
سعيد : اوكيه قولي حق امي اذا وافقت
ودوم : اوكيه ون منت لاتروح عني
سعيد : عندج خمس دقايق بس
ودوم : اوكيه

في بيت قوم فطوم .......
تنزل فطوم والريم الصالة .. وتسلم على خالها وحرمة خالها ... الريم .. تقرص فطوم .. فطوم يلا نطلع
فطوم : فضحتينا ..
الريم : يلا
فطوم : اوكيه
اقول امايه نحن بنطلع شوي برع في الحديقة
ام سيف : برايكن سيرن
يسيرن فطوم والريم الحديقة ويلسن على الكراسي .. ويشوفن سيارة دخلت البيت .. فطوم : خيبه حد ياااااي خلينا ندخل الخيمة بسرعة
الريم : يلا بسرعة
وهن سايرات صوب الخيمة شافن منصور طالع من الخيمة ويسلم على فطوم ..
منصور : هلااااا والله بنت العمه
فطوم : اهلين منصور
منصور : اشحالج
فطوم : بخيييييييير وسهاله اشحالك انت
منصور : والله يسرج الحال
برايج بترخص بسير سعيد وصل .. ويسير منصور صوب سيارة سعيد .. وتنزل وديمة من السيارة وتسير صوب فطوم والريم ... فطوم : هلااااا والله بودوم
وديمه : اهلين وتسلم عليهن
فطوم : اقووووول من هااااا اللي موصلنج
وديمة : سعيد
فطوم : خسااااااره كنت اريد اشوفه بس السيارة كانت مخفي ماشفت شكله
وديمة : بتشوفينه ولا يهمج

الريم : يلا بسرعه اريد اشوف بيت الحمام
فطوم : باسم الله يلا انسير
وسارن يشوفن الحمام .. ولقن سلامه وهند و شمة ومنصور الصغيروني ... عند الحمام ...
فطوم : شموه شو اسوين
شمة : ماشي بس منصور كان يصيح يريد يشوف الحمام ويبناه يطالع
فطوم : سيري وديه داخل .. بخيس ملابسه
شلت شمه منصور وسارت هيه وسلامه وهند البيت ...
ويلسن الريم وفطوم وودوم ... يسولفن عن المدرسة وعن أغرض العيد .. وشو بيشترن حق العيد ...الخ ،،،،، ويأذن المغرب ويسيرن البيت عشان يصلن .. ويصلن وينزلن على اساس بسيرون العزبة عشان العزيمة ........ز