قصيده بابا

السلام عليكم ورحمه الله وبركاته
الله يحفظ لنا كل باباتنا.....


وش يضمن انك من طويلين الاعمار
يالـي تقـول الياكبرنـا نتـوبـي
هذي عباره دوم للعاصـي اشعـار
يوحي له ابليـس العيـن الكذوبـي
حتى على اثمه فيه يزتاد الاصـرار
ويشجعه علـى اقتـراف الذنوبـي
يقول مالـك هـم والـرب غفـار
اشرب خمر وازن وتعاط الحبوبـي
واقطف ثمرماتشتهي قطف الازهار
ويمد يك تسلك صالحات الدروبـي
يغفّلك و المـوت مايعطـي انـذار
والياغدابـك قـال رح لشبـوبـي
هو مكسب له جيتـك معـه فالنـار
هذا مصيره عنـه مالـه هروبـي
ولا انت صدك عن مناهيج الاخيار
طعته ولالـه فالمطاعـه وجوبـي
زرعت واجن اليوم منتوج الاثمـار
ماتنفعـك قولتـك لـو عـودوبـي
لدار الاولى لاجل فالخيـره اختـار
ويقال قد جتـك النـذر بالخطوبـي
عما البصيره مايقديـه ال ابصّـار
وسبحان من بيده صـلاح القلوبـي
يالله ياللـي بامـرك الفلـك ينـدار
انت إلـذي تعلـم جميـع الغيوبـي
وفقني ال خشيتك في سـر وجهـار
والطف بحالي في اشتداد الكروبـي
لا قفيت من داري وحليت فـي دار
في منـزل مساحتـه دوب دوبـي
طولي وعرضه مايجي خمسة اشبار
بطن اللحد سكـر عليـه بطوبـي
من عقب بيت لـي منازيلـه كبـار
والنور يدخل فيه من كـل صوبـي
حطيت لي في ماقـعٍٍ مابـه انـوار
وسطه ملائكـة العمـل ضيقوبـي
يـارب ثبتنـي الياصـار ماصـار
في ساعـةٍ فيهـا تراعـد جنوبـي
عن كاهلي خفف ثقيـلات الـوزار
واعف وتسامح يالولي عن ذنوبـي